Les mots surlignés font l'objet d'une note
1Monsieur, jay receu la votre du VIe pour responce de laquelle je vous
2advertis que puis le despart de madame, jay heu ung fluz de ventre qui
3ma causé tenir, comme je tiens encoures, chambre ; touteffois, je ne me treuve
4aultrement mal, sinon que le flus de ventre ma leyssé ung peu les bras et
5jambes pesans et las ; mais avec layde de Dieu, jespère mestre remis dans
6peu de jours ; et vous mercie bien fort de la bonne souvenance quavés de moy,
7mesmes de loffre que me faictes, vous asseurant que pour le désir que jay destre auprès
8de votre personne pour vous y faire service, je heusse accepté, mais la cause a esté
9que, avant que davoir donné ordre à mes affères et mesmes à certeynes requestes que jey près
10la court touchant mesdites affères, je vous fusse allé trouver, mais jespère que je
11dorrey ordre en brefz pour vous aller veoir et nest jà besoing envoyer
12aulcungs de voz chevaulx puis que je ne soye en deliberation vous aller trouver,
13de quoy je vous advertirey pour que ainsi vous prie que ainsi vous plaict ;
14quest tout ce que je vous puis escripre, après avoir prié le Createur
15Monsieur, vous avoir et tenir en sa saincte grace, me recommandant
16bien humblement à la votre. De Grenoble, ce VIe aoust 1572
17Vostre très humble et obeyssant serviteur
18Loys d’uriage
19Sy madame veoit la presente,
20elle treuvera mes très humbles
21recommandations à sa bonne grace que je
22ne veulx oblier